वंचित घटकांपर्यंत आरोग्यसेवा पोहोचविण्याचा मानस : सभापती सुरेश हर्षे

कुराडी, ५२० रुग्णांनी घेतला लाभ

गोरेगाव : आरोग्य शिबिरांमुळे गरीब, गरजू समाजातील वंचित घटकांना मोफत आरोग्य तपासणी, उपचार, औषधं, आणि वैद्यकीय साधनांचा लाभ मिळतो, या शिबिरांमुळे प्राथमिक आरोग्य सेवा आणि शासकीय आरोग्य योजनांची माहितीही मिळते. समाजातील दुर्बळ आणि वंचित घटकांपर्यंत आरोग्यसेवा पोहोचवण्यासाठी जिल्हा परिषद प्रशासन कटिबद्ध असल्याचे प्रतिपादन जिल्हा परिषद उपाध्यक्ष तथा शिक्षण व आरोग्य सभापती सुरेश हर्षे यांनी केले.

तालुक्यातील प्राथमिक आरोग्य केंद्र, कुराडी येथे ता.२६ रोजी “स्वस्थ नारी सशक्त परिवार” उपक्रमांतर्गत भव्य आरोग्य तपासणी शिबिर संपन्न झाला यावेळी तज्ञ डॉक्टरांकडून यामध्ये ३९६ महिला रुग्ण आणि १२४ पुरुष अशा एकूण ५२० रुग्णांची तपासणी करण्यात आली. ग्रामीण भागातील नागरिकांना मोफत व सुलभ आरोग्य सुविधा पुरविण्याच्या उद्देशाने सदर उपक्रमांतर्गत भव्य आरोग्य तपासणी शिबिराचे आयोजन करण्यात आले. या शिबिराचे उद्घाटन सभापती सुरेश हर्षे यांच्या हस्ते सभापती चित्रलेखा चौधरी पं.स सदस्या सुप्रिया गणवीर शितल बीसेन डॉ. अरविंद वाघमारे डॉ. विनोद चव्हाण शैलेश नंदेश्वर जिल्हा माहिती अधिकारी आखाडे विमल राऊत, अध्यक्ष शैलेश नंदेश्वर जन आरोग्य समिती व जि.प. सदस्य यांच्या अध्यक्षतेखाली सरपंच अनिल मडावी कु-हाडी, सरपंच सलीम पठाण हिरापूर, हिरण तीरेले, योगिता शहारे, धुरपता कटरे, आनंद पटले, सुंदर कटरे, विजय बिसेन, अलका पारधी, जयशीला नंदेश्वर आदींच्या प्रमुख उपस्थितीत संपन्न झाले. कार्यक्रमाचे संचालन अजय कोठेवार प्रास्ताविक तालुका आरोग्य अधिकारी डॉ. विनोद चव्हाण यांनी तर आभार प्रदर्शन रविशंकर कटरे यांनी मानले.शिबिरात रुग्णांना कान, नाक व घसा तज्ञ डॉ. ऋत्विक उन्हाळे दंतरोग तज्ञ डॉ. यश जैस्वाल, नेत्ररोग तंत्रज्ञ प्रियांका माकडे, स्त्रीरोग व बालरोग तज्ञ डॉ. रेखा दुबे, वैद्यकीय अधिकारी, डॉ. किर्ती कुमार चुलपार, प्रा. आ. केंद्र कुराडी सहाय्यक वैद्यकीय अधिकारी डॉ. ऋषिकेश चौखंडे, डॉ. देवेंद्र ठाकूर, डॉ. संजय रहांगडाले, डॉ. खुशबू पटले, डॉ. निधी चौधरी आदी वैद्यकीय अधिकाऱ्यांनी रुग्णांना सेवा प्रदान केली. तर या शिबिराच्या यशस्वी आयोजनासाठी आरोग्य सेवक, आरोग्य सेविका, आशा स्वयंसेविका, अंगणवाडी सेविका, तसेच स्थानिक ग्रामपंचायत पदाधिकारी व स्वयंसेवी संस्था यांनी विशेष परिश्रम घेतले. तपासणीनंतर सर्व रुग्णांना औषधांचे मोफत वितरण करण्यात आले.