Zp Gondia : गुटखा, तंबाखू खाणाऱ्यांना १४ कर्मचाऱ्यांना दणका
जिल्हा परिषदेत धाडसत्र; 14 कर्मचाऱ्यांकडून 2 हजार 450 रूपये दंड वसूल
गोंदिया : सर्व शासकीय कार्यालयात तंबाखू आणि तंबाखूजन्य पदार्थ बाळगणे, त्यांचे सेवन करण्यास मनाई आहे. या अंतर्गत राष्ट्रीय तंबाखू नियंत्रण कार्यक्रमातंर्गत आरोग्य विभागाच्या पथकाने 3 सप्टेंबर रोजी जिल्हा परिषद Zp Gondia कार्यालयातील विविध विभागात तंबाखु विरोधी धाडसत्र राबविण्यात आले. या मोहिमेत 14 कर्मचाऱ्यांकडून 2 हजार 450 रूपये दंड वसूल करण्यात आला. या मोहिमेने जिल्हा परिषदेत एकच खळबळ उडाली आहे.
जिल्हा परिषदेचे मुख्य कार्यकारी अधिकारी प्रमिला जाखलेकर यांच्या परवानगीने व अतिरिक्त मुख्य कार्यकारी अधिकारी डॉ.तानाजी लोखंडे, जिल्हा शल्य चिकित्सक डॉ.पुरुशोत्तम पटले व जिल्हा आरोग्य अधिकारी डॉ.अभिजीत गोल्हार यांच्या मार्गदर्शनात Zp Gondia जिल्हा परिषदेतील विविध विभागात धाड टाकून 14 तंबाखू, गुटखा खाणाऱ्या व बाळगणाऱ्या कर्मचाऱ्यांवर तंबाखू नियंत्रण कोटपा कायदा 2003 अंतर्गत दंडात्मक कारवाई करून दोन हजार चारशे पन्नास रुपयांचा दंड वसूल करण्यात आला. यावेळी कर्मचाऱ्यांकडे तंबाखूजन्य पदार्थ आढळून आले. ही कार्यवाही सामान्य प्रशासन विभागाचे उपमुख्य कार्यकारी अधिकारी फरेंद्र कुतिरकर,एबीडीओ गणेश माळी व पियुष श्यामकुवर,जिल्हा मौखिक आरोग्य अधिकारी डॉ.अनिल आटे,जिल्हा सल्लागार डॉ.ज्योती राठोड,सामाजिक कार्यकर्ता संध्या शंभरकर, दंत सहाय्यक विवेकानंद कोरे, पोलिस शिपाई दीपक पारधी व कपिल साखरे ग्रामीण पोलिस स्टेशन गोंदिया यांनी पार पाडली.
जिल्ह्यात राष्ट्रीय तंबाखू नियंत्रण कार्यक्रमाच्या प्रभावी अमलबजावणीसाठी आरोग्य विभागामार्फत पथकांची निर्मिती करण्यात आली आहे. सर्व शासकीय कार्यालयात तंबाखू आणि तंबाखूजन्य पदार्थ बाळगणे, त्यांचे सेवन करण्यास मनाई आहे. त्यानुसार जिल्ह्यातील सर्व शासकीय आणि निमशासकीय कार्यालयांची तपासणी करण्याचे आदेश जिल्हाधिकारी प्रजित नायर यांनी दिले आहेत. जिल्ह्यातील सर्वच शासकीय कार्यालयांची तपासणी करण्यात येत आहे. जिल्हाधिकारी कार्यालय, जिल्हा परिषद, सार्वजनिक बांधकाम विभाग, नगर परिषद, तहसिल कार्यालये, पोष्ट ऑफिस यांचे सह विविध कार्यालयात झाडाझडती पुढील कालावधीत घेतली जाणार आहेत. मुख्य कार्यकारी अधिकारी प्रमिला जाखलेकर यांनी सुद्धा येत्या पुढील दिवसात पंचायत समिती कार्यालये, शाळा, ग्रामपंचायत तंबाखुमुक्त करण्यासाठी वेगवेगळे पथकांची निर्मितीवर भर देणार असल्याचे सांगितले.
