Gondia: दरोडा कट उधळला; सराईत गुन्हेगारांना हत्यारांसह अटक

गोंदिया शहर पोलीसांची कारवाई
गोंदिया : गोदिया शहर पोलीसांचे रात्रगस्त पथक हे १४ व १५ ऑगस्टच्या रात्रदरम्यान गोंदिया शहर पोलीस परीसरात पेट्रोलींग करीत असताना त्यांना कुंभारेनगर गोंदिया येथील आंबेडकर भवनच्या ईमारतीच्या डाव्या बाजुला अंधारात पाच ते सहा इसम बसले आहे. तसेच त्यांच्याकडे धारदार शस्त्र बाळगुन ते कुठेतरी दरोडा टाकण्याच्या उद्देशाने एकत्र बसले असल्याची विश्वसनीय गोपनिय माहिती मिळाली. त्यानुषंगाने पथकाने त्याठीकाणी जावून मध्यरात्री छापा टाकून 2 आरोपींना ताब्यात घेतले. तर उर्वरीत इसम हे अंधाराचा फायदा घेवून पळुन गेले. यात घनश्याम ऊर्फ गोलु अशोक चौधरी (वय २२ वर्षे, रा. माताटोली, श्रीनगर गोंदिया) आणि मित्तल मुनेश्वर तुपटे (वय २० वर्षे, रा. पैकनटोली गोंदिया) असे अटक करण्यात आलेल्या आरोपींची नावे आहेत.
आरोपीतांची अंगझडती घेतली असता आरोपी घनश्याम ऊर्फ गोलु अशोक चौधरीच्या ताब्यातुन एक धारदार लोखंडी तलवार व पांढऱ्या रंगाची मळकट रंगाची दोरी तर मित्तल मुनेश्वर तुपटेच्या ताब्यातुन एक नग धारदार लोखंडी कोयता टोकापासुन वाकलेला, एक नग लोखंडी रॉड, एक काळया रंगाचा पोको कंपनीचा मोबाईल तसेच घटनास्थळावरुन सुमारे १०० ग्रॅम मिरची पावडर व एक टॉर्च असा एकुण ६ हजार ७४० रुपयांचा मुद्येमाल जप्त केला. तरी आरोपी हे प्राणघातक शस्त्रासह कुठेतरी दरोडा टाकण्याच्या तयारीनिशी एकत्र जमुन मिळुन आल्याने तसेच त्यांनी मा. जिल्हाधिकारी यांचे मनाई अधिसुचनेचे उल्लंघन केल्याने फिर्यादी पो.शि. प्रकाश गभने, पो.स्टे. गोंदिया शहर यांच्या तक्रारीवरुन पोलीस स्टेशन गोंदिया शहर येथे दि. १५ ऑगस्ट २०२५ रोजी अप.क्र. ६७८/२०२५ कलम ३१०(४) भा. न्या. सं २०२३ सहकलम ४,२५ भा.ह.का., क. १३५ मपोका अन्वये गुन्हा नोंद करण्यात आला आहे. गुन्हयाचा तपास पोउपनि केदार घाडगे, पो.स्टे. गोंदिया शहर हे करीत आहेत. नमुद दोन्ही आरोपिंना अटक करुन त्यांचा १७ ऑगस्ट २०२५ रोजी पावेतो पोलीस कोठडी रीमांड घेण्यात आला आहे. गुन्हयातील इतर आरोपीतांचा शोध घेणे सुरु आहे.
आरोपी अंधारात प्राणघातक हत्यारांसह मिळुन आल्याने तेथे असण्याचा त्यांच्या उद्देशाबाबत गोंदिया शहर पोलीस सखोल तपास करीत आहेत. सदरची कामगीरी पोलीस अधीक्षक गोरख भामरे, अपर पोलीस अधिक्षक गोंदिया अभय डोंगरे, उपविभागीय पोलीस अधिकारी गोंदिया रोहीणी बानकर यांच्या मार्गदर्शनाखाली पोलीस स्टेशन गोंदिया शहरचे पोलीस निरिक्षक किशोर पर्वते, पोउपनि घाडगे, पोउपनि धेर, पो.हवा. कबलपालसिंग भाटीया, सुदेश टेंभरे, निशिकांत लॉदासे, प्रमोद चव्हाण, सतिश शेंडे, दिपक राहांगडाले, शहारे, पोशि. दिनेश बिसेन, अजय बोपचे, प्रकाश गभने, निलेश बाळणे, रोहीत रामटेके, मनोज केवट, सुभाष सोनवाने, मुकेश रावते, अशोक राहांगडाले, प्रमोद शेंडे यांनी केली आहे.

जामीनावर असूनही गुन्हे करणे सुरूच…
दोन्ही आरोपी हे सराईत गुन्हेगार आहेत. विशेष म्हणजे आरोपी घनश्याम ऊर्फ गोलु अशोक चौधरी, रा. माताटोली श्रीनगर गोंदिया यास मा. न्यायालयाने त्याच्याविरुध्द सन २०२३ मध्ये घरफोडीच्या गुन्हयात दि. २७/५/२५ रोजी ५ वर्षाची शिक्षा सुनावलेली असुन सध्या तो जामीनावर होता. तरी त्याने कायदयाला न जुमानता गुन्हे करणे सुरुच ठेवले आहे. गोंदिया शहर पोलीसांनी दक्ष राहुन त्यांना मिळालेल्या गोपनिय माहीची वेळीच गंभीर दखल घेवून तत्परतेने आरोपीतांचा कुठेतरी दरोडा टाकण्याचा डाव मोठ्या शिताफीने हाणून पाडला आहे.