सेवानिवृत्त कर्मचाऱ्यांना एकस्तर वेतनश्रेणीच्या लाभ द्या 

जिल्हा सेवानिवृत्त शिक्षक, शिक्षकेत्तर कर्मचारी संघटनेचे निवेदन 

गोंदिया : जिल्हातील काही सेवानिवृत्त कर्मचाऱ्यांना एकस्तर वेतन श्रेणीच्या लाभापासून वंचित ठेवण्यात आले आहे. व काही कर्मचाऱ्यांला लाभ देण्यात आले आहे, हा पक्षपात का? असा सवाल सेवानिवृत्त संघटनेचे जिल्हाध्यक्ष एल. यु. खोब्रागडे यांनी उपस्थित केला. तसेच जि.प.चे मुख्य कार्यपालन अधिकारी एम. मुरुगानंथम व मुख्य लेखा अधिकारी जनार्दन खोटरे यांची भेट घेवून या संदर्भात विचारणा केली. त्यामुळे पक्षपाताची भुमिका सोडून जिल्ह्यातील सेवानिवृत्त कर्मचाऱ्यांना एकस्तर वेतनश्रेणीचा लाभ देण्यात यावा, अशी मागणी करण्यात आली आहे.जिल्ह्यातील अनेक सेवानिवृत्त कर्मचारी एकस्तर वेतनश्रेणीच्या लाभापासून वंचित आहेत. या पक्षपाताच्या भुमिकेला घेवून जिल्हा सेवानिवृत्त शिक्षक, शिक्षकेत्तर कर्मचारी संघटनेचे शिष्टमंडळाने जिल्हाध्यक्ष एल. यु. खोब्रागडे यांच्या नेतृत्वात मुख्य कार्यपालन अधिकारी मुरगानंथम व मुख्य लेखा अधिकारी जनार्दन खोटरे यांची भेट घेवून विचारणा केली. यावर १ ऑक्टोबर २०२५ ला सर्व गट शिक्षणाधिकारी यांना पत्र देवून अशा प्रकारे लाभ घेणाऱ्या कर्मचाऱ्यांची यादी सादर करुन त्यांनी घेतलेल्या लाभाची वसुली करण्याचे आदेश दिले आहे, असे अधिकाऱ्यांनी सांगितले. पण दोन महिण्यापेक्षा जास्त काळ लोटून सुद्धा कोणत्याही शिक्षणाधिकाऱ्यांनी कार्यवाही केली नाही. कार्यवाही करून किती लोकांची कधीपर्यंत यादी सादर करणार असे विचारले असता त्यांनी ताकीत नोटीस पाठवून शासनाच्या पैसाच्या दुरुपयोग करण्याऱ्या अधिकाऱ्यांवर कार्यवाही करण्यात येणार असे सांगीतले. त्यामुळे मुख्य कार्यपालन अधिकारी यांच्या आदेशाचे पालन होते की नाही? याकडे लक्ष लागले आहे. काही कर्मचाऱ्यांच्या सेवापुस्तिकेत एकस्तर वेतन श्रेणीच्या मंजूरीची कोणतेही फिक्शेसन नोंद नसून त्यांना एकस्तरचा लाभ कसा देण्यात आला, असा सवाल अर्जुनी मोरगाव तालुक्यातील सेवानिवृत शिक्षकांनी मांडले. यावर चौकशी करुन कार्यवाही करण्याचे आदेश देण्यात येणार असल्याचे सांगीतले. नियमानुसार नक्षलग्रस्त भागात काम करणाऱ्या सर्व कर्मचाऱ्यांना एकस्तर वेतनश्रेणीच्या लाभ देण्यात यावे असी मागणी संघटनेने ठेवली आहे. त्याच प्रमाणे पेंशन वेळेवर करणे, निवडश्रेणी प्रकरण निकाली काढणे, कालबद्ध पदोन्नती प्रकरण निकाली काढणे, घरभाडे भत्ता, रजारोखीकरण, संगणक राशी, इतर थकबाकी, अंशराशीकरण, उपदान यासाठी अनुदानाची मागणी करुन त्यांना लाभ देणे आदी विषयावर सविस्तर चर्चा करण्यात आली. यावेळी सेवानिवृत्त शिक्षक शिक्षकेत्तर कर्मचारी व अधिकारी संघटनेचे जिल्हाध्यक्ष एल.यु. खोब्रागडे, सचिव पी. एन. बडोले, कार्याध्यक्ष जी. ई. येळे, टी. बी. भेंडारकर, टी. एन. बहेटवार, तालुका सचिव जे. बी. कहऱ्हाडे, पर्वते, एल.आर. बोरकर, एम. के. नाकाडे, आर. आर. चांदेवार, ए. के. लोगडे, जी.एस. लोगडे, जी.एस. लंजे, श्रीकृष्ण कोरे, सुरेश आष्टीकर व इतर पदाधिकारी उपस्थित होते.