environment : पर्यावरणाचा समतोल राखण्यासाठी निसर्गाशी मैत्री करा – तुषार ढमढेरे

पक्षी सप्ताहनिमित्त स्पर्धेत प्राविण्यप्राप्त विद्यार्थ्यांचा सत्कार समारंभ
 गोंदिया : गोंदिया जिल्हा हा वन्यजीव सृष्टीने समृध्द असा असून जिल्ह्यातील मोठा परिसर डोंगरदऱ्या आणि घनदाट जंगलाने वेढलेला निसर्ग संपन्न आहे. जिल्ह्यातील 51 % क्षेत्र जंगलव्याप्त असून त्यामध्ये विपुल प्रमाणात वनसंपदा आहे. पर्यावरणाचा (environment) समतोल राखण्यासाठी निसर्गाशी मैत्री करावी, असे प्रतिपादन विभागीय वन अधिकारी तुषार ढमढेरे यांनी केले.
 गोंदिया वन विभाग, नवेगाव-नागझिरा व्याघ्र राखीव क्षेत्र व सामाजिक वनीकरण विभाग यांच्या संयुक्त विद्यमाने दिनांक 5 ते 12 नोव्हेंबर 2025 या कालावधीत विविध उपक्रम राबवून ‘‘पक्षी सप्ताह’’ साजरा करण्यात आला. या उपक्रमात विविध शाळेतील विद्यार्थ्यांनी सहभाग घेतला होता. त्यानिमित्ताने 12 नोव्हेंबर रोजी ‘वन भवन’ येथील सभागृहात चित्रकला स्पर्धेत प्राविण्यप्राप्त विद्यार्थ्यांचा सत्कार करण्यात आला, त्यावेळी ते कार्यक्रमाच्या अध्यक्षस्थानावरुन बोलत होते.
 कार्यक्रमास सहायक वनसंरक्षक विजय धांडे, वर्षा भांडारकर, हिरवळ बहुउद्देशीय संस्थेचे रुपेश निंबार्ते व छत्रपाल चौधरी, कार्यालय अधीक्षक श्रीराम गिऱ्हेपुंजे, लेखापाल वैशाली पाटील, स्टेनो जगदीश कढव यांचेसह विविध शाळेतील शिक्षक, विद्यार्थी व शालेय विद्यार्थ्यांचे पालक उपस्थित होते.  तुषार ढमढेरे पुढे म्हणाले, झाडांपासून मानवाला प्राणवायु मिळतो हे सार्वकालिक सत्य असून निसर्गातील पर्यावरणाचा समतोल राखण्यासाठी जंगलातील झाडे कापू नये असा संदेश त्यांनी यावेळी दिला. वनसंवर्धन करण्यासाठी प्रत्येक विद्यार्थ्याने आपले योगदान द्यावे असे सांगून पक्षी सप्ताहनिमित्ताने विविध शाळेतील विद्यार्थ्यांनी चित्रकला स्पर्धेत सहभाग घेवून प्राविण्य मिळविल्याबद्दल सर्व प्राविण्यप्राप्त विद्यार्थ्यांना त्यांच्या पुढील वाटचालीस शुभेच्छा दिल्या.
विजय धांडे म्हणाले, पशु-पक्षी हे जंगलाचे संवर्धन करण्यासाठी एक अविभाज्य घटक आहे. (environment)  निसर्ग संवर्धनासाठी प्रत्येकाचे योगदान महत्त्वाचे असून ते त्यांनी केलेच पाहिजे असा आग्रही त्यांनी यावेळी केला. विकास हा मानवी जगण्याचा महत्त्वाचा भाग असून जेवढी वृक्षतोड केली जाते त्यापेक्षा दुप्पट रोपटे लावण्याचे ध्येय वैयक्तिक स्तरावर बाळगल्यास निसर्ग संवर्धन करण्याचे समाधानही लाभेल असे त्यांनी यावेळी सांगितले.
याप्रसंगी विवेक मंदिर गोंदिया शाळेतील विद्यार्थी आदिती बर्वे, सान्वी गिरीपुंजे, पर्णवी सोनवाने, ग्रेशी डहाट, त्रिशा उपवंशी, साक्षी प्रसाद, भार्गवी बिसेन. गुजराती नॅशनल हायस्कुल गोंदियाचे विद्यार्थी प्रांजली गजभिये, आयुष रणदिवे, गुंजन मेश्राम. चित्रांश अकॅडमी गोंदियाचे विद्यार्थी आनिया शेख, वैष्णवी पिथोडे. सुकन्या संकल्प निकेतन हायस्कुल काटीचे विद्यार्थी रुपाली मनेश्वर, संघम मानकर. इंदिरा कृषि हायस्कुल ठाणेगावचे विद्यार्थी गौरी बावणकर, कोयणा क्षीरसागर यांचा मान्यवरांच्या हस्ते स्मृतीचिन्ह व प्रशस्तीपत्र देवून सत्कार करण्यात आला. कार्यक्रमाचे प्रास्ताविक हिरवळ बहुउद्देशीय संस्थेचे रुपेश निंबार्ते यांनी केले. सुत्रसंचालन वैशाली पाटील यांनी केले, तर उपस्थितांचे आभार जगदिश कढव यांनी मानले.