संघटन शक्तीवर जोर देवून निवडणूक सर करा : राजेंद्र जैन

प्रभाग क्र.१ मध्ये राष्ट्रवादीची सभा संपन्न
गोंदिया : निवडणुकीच्या अनुषंगाने हालचालींना वेग आला आहे. यंत्रणेच्या कृतीवरून आगामी काही दिवसात नगर परिषद, नगर पंचायतीच्या निवडणुकांचा बार उडणार आहे. त्यामुळे राष्ट्रवादीच्या कार्यकर्त्यांनी खा.प्रफुल पटेल यांची विचारधारा आणि राष्ट्रवादीचे ध्येय धोरण घराघरात पोहोचवून संघटन शक्ती वाढवावी. व आगामी निवडणुकीत जास्तीत जास्त नगरसेवक विजयी होतील, या उद्देशाने काम करावे, असे आवाहन माजी आमदार राजेंद्र जैन यांनी केले.
शहरातील प्रभाग क्र.१ मध्ये राष्ट्रवादी पक्षाची सभा आयोजित होती. या सभेला मार्गदर्शन करताना ते बोलत होते. या सभेत निवडणुकीच्या पार्श्वभुमीवर सशक्त उमेदवार आणि पक्षाचे सुक्ष्म नियोजनाचा आढावा घेण्यात आला. माजी आमदार राजेंद्र जैन यांनी मार्गदर्शन केले. खा.प्रफुल पटेल यांचे विकासशिल नेतृत्व डोळ्यासमोर ठेवून पदाधिकारी व कार्यकर्त्यांनी काम करणे आवश्यक आहे. आज गोंदिया जिल्ह्यातील मेडीकल कॉलेज, दु्रतगती रेल्वेगाड्यांचे थांबे, रेल्वे स्टेशनचे आधुनिकीकरण, बिरसी विमानतळाचा विकास व विस्तार, पायाभूत सुविधांची पायाभरणी आदि कामे खा.पटेलांमुळे शक्य झाली आहेत. त्यामुळे कार्यकर्ते व पदाधिकार्‍यांनी प्रत्येकांना सोबत घेवून विकासशिल व्हीजनमध्ये शहरातील प्रत्येक नागरिकांना सहभागी करून घ्यावे, जनसंपर्क वाढवून जनतेच्या समस्या मार्गी लावण्यासाठी पुढाकार घ्यावा, असेही राजेंद्र जैन यांनी व्यक्त केले.
सभेला अखिलेश सेठ, सुनील पटले, विनायक शर्मा, शैलेश वासनिक, भीमदास तांडेकर, आशीष ठाकरे, रामदास तांडेकर, कपूरचंद तांडेकर, अशोक मरठे, ऊके सर, बंडू चौहान, टेकराम पाचे, गिरधारी साखरे, सुभाष फुंडे, भूपेन तांडेकर, कुणाल बाहे, रोहित पाचे, हरीश सेलोकर, घनराम पाचे, प्रवीण मराठे, प्रदीप मराठे, आकाश बंसोड़, रौनक ठाकुर, नरेंद्र बेलगे आदिंसह पदाधिकारी व कार्यकर्ते उपस्थित होते.