Zp School: जि.प.शाळेचा स्लॅब कोसळला

मासूलकसा येथील घटना
देवरी : तालुक्यातील मासुलकसा येथील जिल्हा परिषद (zp School ) शाळेचा स्लॅब अचानक कोसळला. ही घटना १८ सप्टेंबरच्या दुपारी २ वाजता सुमारासची आहे. या घटनेत सुदैवाने कोणतीही जीवितहानी झालेली नाही. परंतु, विद्यार्थ्यांच्या सुरक्षेचा प्रश्न पुन्हा ऐरणीवर आहे. (zp School ) जि.प.शाळांची दुरवस्था होवूनही शासन, प्रशासन जिवाशी खेळत असल्याची प्रतिक्रिया पालकांकडून व्यक्त केली जात आहे.
मासुलकसा येथील जि.प.शाळेची (zp School ) इमारत जीर्ण झाली आहे. या संदर्भात स्थानिक जनप्रतिनिधीसह अधिकार्‍यांना माहिती देवून नविन इमारतीची मागणी गावकरी व शाळा समितीच्या वतीने अनेकदा करण्यात आली आहे. परंतु, संबधित विभाग याकडे सातत्याने दुर्लक्ष करीत आहे. इमारत जीर्ण झाल्याने गळती लागली होती. अशातच जीर्ण असलेला भाग मागील काही दिवसांपासून कोसळत होता. पर्याय नसल्याने या शाळेत विद्यार्थ्यांना ज्ञानाचे धडे गिरवावे लागत होते. शिवाय शिक्षकांनाही विद्यार्थ्यासह जीव धोक्यात घालून विद्यादानाचे काम करावे लागत होते. अशातच १८ सप्टेंबर रोजी स्लॅब  कोसळला. ही दुपारी २ वाजता सुमारासची आहे. या काळात विद्यार्थ्यांना मध्यांह सुट्टी असल्याने विद्यार्थी वर्गखोलीत हजर नव्हते. यामुळे सुदैवाने मोठे अनर्थ टळले. या घटनेची माहिती मुख्याध्यपकांनी पंचायत समितीच्या वरिष्ठ अधिकार्‍यांना दिली आहे. (zp School ) शाळेची इमारत जीर्ण झाली असून शाळेच्या इमारतीची दुरुस्ती करण्यात यावी, अशी मागणी कित्येकदा शालेय व्यवस्थापन समिती आणि शिक्षकांनी जिल्हा परिषद शिक्षण विभाग तसेच स्थानिक जनप्रतिनिधीला केली होती. मात्र, त्यानी अद्यापही दखल घेतली नसल्याने, या ठिकाणी मोठा अपघात होण्याची शक्यता नाकारता येत नाही. त्यामुळे आतातरी प्रशासन आणि जनप्रतिनिधी याकडे लक्ष देणार का? याकडे लक्ष लागले आहे.
………………….
विकासासाठी येणारा निधी जातो कुठे?
आदिवासी व नक्षलग्रस्त भागात शासनाकडून अनेक सोयी सुविधा उपलब्ध व्हाव्यात, याकरीता मोठा निधी खर्च केला जातो. परंतु, प्रशासकीय अनास्था आणि संधीसाधू राजकारण्यांमुळे क्षेत्र अद्यापही विकासापासून वंचित आहे. मासुलकसा जि.प.शाळेत १ ते ४ वर्ग असून पटसंख्या ४० आहे. शाळेत दोन शिक्षक नियुक्त असून शिक्षण देण्याचे काम करीत आहेत. (zp School ) शाळेची इमारत जुनी असून कित्येक वर्षांपासून विद्यार्थ्यांना जीर्ण इमारतीमध्ये ज्ञानाचे धडे गिरवीत आहेत. ग्रामस्थ व शाळा व्यवस्थापन समितीने स्थानिक लोकप्रतिनिधी व  शिक्षण विभागाला अनेकदा या संदर्भात माहिती दिली. पण दुर्लक्ष करण्यात आल्याने विद्यार्थ्यांचे जीव धोक्यात आले आहे. यामुळे पालकांमध्ये तीव्र संताप व्यक्त केला जात आहे.