Boxing quiz: विभागीय स्पर्धेत मोहित पशीने याची निवड

नवेगावबांध : स्थानिक मुजफ्फर पठाण मित्र मंडळाचा खेडाळू मोहित मनोज पशीने याने शालेय १७ वर्षीय गटात नुकत्याच जिल्हास्तरावर झालेल्या Boxing quiz बॉक्सिंग स्पर्धेमध्ये लक्ष मेश्राम गोंदिया याला नमवून गोंदिया जिल्ह्यात प्रथम स्थान पटकावले होते. तर लाखनी येथे दि. १९,२० सप्टेंबरला होणाऱ्या विभागीय स्पर्धेत गोंदिया जिल्ह्याचे प्रतिनिधित्व करणार आहे. तो वर्ग ९ वीचा विद्यार्थी असून जीएमबी विद्यालय अर्जुनी मोरगाव येथे शिकत आहे. तो आपल्या यशाचे श्रेय येथील मुजफ्फर पठाण मित्र मंडळाचे अध्यक्ष विजय डोये, सचिन ठाकरे, दीपक क्षिरसागर, राहुल नरुले, मयुर पशीने , अजय बडोले, सागर राऊत, धीरज नेवारे यांना देतो. त्याच्या या यशाबद्दल अमृतलाल टांक, सुनील तरोणे,रामदास बोरकर, संजीव बडोले, हरिश्चंद्र लाडे, हरिश्चंद्र चांदेवार,प्रभाकर पुस्तोडे, संजय परशुरामकर, दिलीप शिपानी, नरेश जयस्वाल, आशिष घोटे, नदीम खान, राकेश बर्वे, धनंजय डोंगरावर, खुशाल डोंगरावर, रितेश जयस्वाल यांनी त्याचे अभिनंदन केले आहे.