LatestNewsक्रीडागोंदिया

national sports day : राष्ट्रीय क्रीडा दिनाचे आयोजन 29 ऑगस्ट रोजी

गोंदिया : महाराष्ट्र शासनाच्या क्रीडा व युवक सेवा संचालनालय, पुणे अंतर्गत जिल्हा क्रीडा परिषद गोंदिया व जिल्हा क्रीडा अधिकारी कार्यालय गोंदिया यांच्या वतीने ऑलिम्पिक वीर मेजर ध्यानचंद यांचा जन्म दिन हा राष्ट्रीय क्रीडा दिन म्हणून साजरा करण्यात येतो. तसेच महाराष्ट्राचे सुपुत्र ऑलिम्पिक वीर खाशाबा जाधव यांचे स्मरण करुन राष्ट्रीय क्रीडा दिनानिमित्त गोंदिया जिल्ह्यातील सन 2025-26 या शैक्षणिक वर्षात राज्य, राष्ट्रीय व आंतरराष्ट्रीय स्पर्धेत सहभाग घेवून प्राविण्य प्राप्त केलेल्या प्राविण्य प्राप्त खेळाडूंचा राष्ट्रीय क्रीडा दिनानिमित्त दि.29 ऑगस्ट 2025 रोजी जिल्हा क्रीडा अधिकारी कार्यालय, गोंदिया द्वारे सन्मानचिन्ह देवून गौरव करण्यात येणार आहे.
तसेच महाराष्ट्र राज्यामध्ये सध्या क्रीडा व खेळाचा प्रचार व प्रसार होत असून अर्थात खेळाची प्रगती साध्य होणे आवश्यक आहे. याकरीता कार्यालयाच्या वतीने दि.29 ते 31 ऑगस्ट 2025 या कालावधीत खालीलप्रमाणे खेळाचे आयोजन करण्यात आले आहे.          
दिनांक 29 ऑगस्ट रोजी जिल्हा क्रीडा संकुल गोंदिया येथे क्रीडा रॅलीचे आयोजन, मेजर ध्यानचंद यांचे जीवनचरित्र व्याख्यान व राष्ट्रीय खेळाडू सत्कार, शालेय मल्लखांब व बॉक्सींग क्रीडा स्पर्धा (14, 17, 19 वर्षे मुले व मुली).  दिनांक 30 ते 31 ऑगस्ट रोजी इंदिरा गांधी स्टेडियम गोंदिया येथे चालण्याची शर्यत (19 वर्षे मुले व मुली), शालेय हॉकी (14, 17, 19 वर्षे मुले व मुली. दिनांक 31 ऑगस्ट रोजी जिल्हा क्रीडा संकुल ते जिल्हाधिकारी कार्यालय सन्डे ऑन सायकल रॅली.  राष्ट्रीय क्रीडा दिनानिमित्त वरीलप्रमाणे विविध क्रीडा स्पर्धा व उपक्रमाचे आयोजन करण्यात आले आहे. तरी सदर कार्यक्रमात जास्तीत जास्त खेळाडू व क्रीडाप्रेमी नागरिक यांनी सहभाग घ्यावा. तसेच सन 2024-25 या शैक्षणिक सत्रात राज्य, राष्ट्रीय व आंतरराष्ट्रीय स्पर्धेत सहभाग घेवून प्राविण्य प्राप्त खेळाडूंनी आपल्या प्रमाणपत्राची सत्य प्रत व नावे दि.25 ऑगस्ट 2025 पर्यंत जिल्हा क्रीडा अधिकारी कार्यालय, गोंदिया येथे जमा करावी. अधिक माहितीकरीता क्रीडा अधिकारी अभय महल्ले यांच्याशी संपर्क साधावा, असे आवाहन जिल्हा क्रीडा अधिकारी अनिराम मरसकोले यांनी केले आहे.

Spread the News

Leave a Reply

Your email address will not be published. Required fields are marked *