Independence day ; आ.विनोद अग्रवाल यांच्या हस्ते ठिकठिकाणी ध्वजारोहण

गोंदिया : उद्या, १५ ऑगस्ट रोजी स्वातंत्र दिन सोहळा मोठ्या उत्साहात साजरा करण्यात येणार आहे. या अनुसंगाने गोंदिया विधानसभा क्षेत्राचे आमदार विनोद अग्रवाल यांच्या हस्ते विविध ठिकाणी ध्वजारोहण करण्यात येणार आहे. यानिमित्त देशभक्तीपर व सांस्कृतिक कार्यक्रमांचे आयोजनही करण्यात आले आहे.

शहरासह क्षेत्रातील विविध ठिकाणी आ.विनोद अग्रवाल यांच्या हस्ते स्वातंत्र्य दिनानिमित्त ध्वजारोहण करण्यात येणार आहे. उद्या (ता.१५) सकाळी ८ :०० वाजता शहरातील जयस्तंभ चौक, ८:१५ वाजता कालेखा चौक, ८:३० वाजता माताटोली शाळा, ८:४५ वाजता गौरीनगर, ९:०० वाजता शिव चौक संजयनगर (गोंविदपूर), ९:१० वाजता कव्वाली मैदान, गोंविदपूर, ९:२० वाजता चावडी चौक छोटा गोंदिया, ९:३० वाजता त्रिमुर्ती चौक सिव्हील लाईन, १०:०० वाजपेयी चौक, १०:३० वाजता मुस्लीम मायनारिटी ट्रस्ट मरारटोली, ध्वजारोहण करणार आहेत. तर सकाळी ११ वाजता सावरी येथील ग्राम पंचायतीच्या नविन भवनाचे लोकार्पण, ११:३० वाजता फुलचूर येथे ओपन जीमचा लोकार्पण व पुरस्कार वितरण सोहळात उपस्थित राहणार आहेत. उपरोक्त आयोजित ध्वजारोहण कार्यक्रमामध्ये जास्तीत जास्त संख्येने नागरिकांनी उपस्थित राहावे, असे आवाहन आयोजकांनी केले आहे.