एमपीएससीच्या परीक्षेत उत्तीर्ण इशा बिसेनचा किशोर डोंगरवार यांच्याकडून सत्कार
सडक अर्जुनी : राज्य लोकसेवा आयोगाच्या (एमपीएससी) वतीने घेण्यात आलेल्या परीक्षेत कु.इशा किरण बिसेन हिने यश संपादन केले. कु.इशा किरण बिसेन हिची राजपत्रित अधिकारी वर्ग २ या पदी निवड झाली. या यशामुळे जिल्ह्यात तिचे कौतुक केले जात आहे. दरम्यान गोंदिया जिल्हा प्राथमिक शिक्षक सहकारी पतसंस्थेचे जिल्हाध्यक्ष किशोर डोंगरवार व न.प.उपाध्यक्ष सौ.वंदना किशोर डोंगरवार यांनी इशा बिसेन हिची भेट घेवून सत्कार केला.
सडक अर्जुनी येथील कु.इशा किरण बिसेन हिने राज्य लोकसेवा आयोगाच्या (एमपीएससी) वतीने घेण्यात आलेल्या परीक्षेत घवघवीत यश प्राप्त केले. दरम्यान तिची राजपत्रित अधिकारी वर्ग २ या पदी निवड झाली. या यशाने तिने जिल्ह्याचे नाव लौकिक केले. याबद्दल गोंदिया जिल्हा प्राथमिक शिक्षक सहकारी पतसंस्थेचे जिल्हाध्यक्ष किशोर डोंगरवार व न.प.उपाध्यक्ष सौ.वंदना किशोर डोंगरवार यांनी कु.इशा बिसेन हिच्या निवासस्थानी भेट देवून तिचे कौतुक केले. तसेच कु.इशा आणि तिच्या आईवडीलाचा शाल, फुलझाड आणि डायरी देऊन सत्कार केला. मुलीचे पालक किरण बिसेन हे जिल्हा परिषद शिक्षक असून ते महाराष्ट्र राज्य शिक्षक समितीचे माजी सरचिटणीस आहेत.
मुलांचे नेत्रदिपक यश हे शिक्षकांसाठी अभिमानास्पद : किशोर डोंगरवार
जिल्ह्यातील प्राथमिक शिक्षकांची मुले केंद्रीय लोकसेवा आयोग असो की राज्यसेवा आयोग या प्रत्येक स्पर्धा परीक्षेत नेत्रदीपक यश संपादन करत आहेत. मागील काळात दोन जिल्हा परिषद शिक्षकाच्या मुलाने केंद्रीय लोकसेवा आयोगाच्या परीक्षेत यश संपादन करून जिल्ह्याचे नावलौकिक केला. आणि आता ईशा किरण बिसेन या विद्यार्थिनीने पुन्हा एकदा जिल्ह्याचा नावलौकिक केला. मुलांची ही नेत्रदिपक कामगिरी आमच्या प्राथमिक शिक्षकांसाठी गौरवास्पद बाब आहे, यापासून जिल्ह्यातील इतरही मुले प्रेरणा घेवून यश संपादन करतील, अशी अपेक्षा आहे, असे मत महाराष्ट्र राज्य प्राथमिक शिक्षक समितीचे विभागीय अध्यक्ष तथा जिल्हा शिक्षक पतसंस्थेचे अध्यक्ष किशोर डोंगरवार यांनी व्यक्त केले.
