योजनांच्या अंमलबजावणी स्तरावर अडचणी असल्यासङ ङत्याचे निवारण करण्यात येईल : पालक सचिव देओल

गोंदिया : गोंदिया जिल्ह्यात राबविण्यात येणार्‍या योजनांमध्ये अंमलबजावणी स्तरावर समस्या असल्यास त्याचे निवारण करण्यात येईल, अशी ग्वाही जिल्ह्याचे पालक सचिव तथा शालेय शिक्षण विभागाचे प्रधान सचिव रणजीतसिंह देओल यांनी आज दिली.जिल्हाधिकारी कार्यालयात पालक सचिव श्री. देओल यांच्या अध्यक्षतेखाली जिल्ह्याच्या कामांची आढावा बैठक घेण्यात आली, त्यावेळी ते बोलत होते. या बैठकीस जिल्हाधिकारी प्रजित नायर, जिल्हा परिषदेचे मुख्य कार्यकारी अधिकारी एम. मुरुगानंथम, निवासी उपजिल्हाधिकारी भैय्यासाहेब बेहेरे, उपजिल्हाधिकारी (सामान्य) मानसी पाटील यांच्यासह सर्व विभागांचे कार्यालय प्रमुख यावेळी उपस्थित होते.देओल यांनी यावेळी जिल्ह्यातील कामांचा आढावा घेतला. आढाव्यानंतर झालेल्या चर्चेत श्री. देओल यांनी सांगितले, जिल्ह्याच्या ठिकाणी प्रामुख्याने अंमलबजावणी यंत्रणा काम करीत असते. या अंमलबजावणी यंत्रणेमध्ये येणार्‍या अडचणी जाणून घेऊन त्यावर मंत्रालय स्तरावर तोडगा काढण्याचा प्रयत्न केला जाईल. त्यामुळे योजनांची अंमलबजावणी अधिक प्रभावीपणे होईल.या बैठकीत जिल्ह्यातील पायाभूत विकास प्रकल्पांबद्दल चर्चा झाली. यामध्ये राज्याच्या महत्त्वकांक्षी प्रकल्प हिंदू हृदयसम्राट बाळासाहेब ठाकरे महाराष्ट्र समृद्धी महामार्ग ६०० किलोमीटर पर्यंत पूर्ण झालेला आहे. यामध्ये नागपूरपासून पूर्व पश्चिम सीमा शीघ्र गतीने संचार व्हावा यासाठी द्रुतगतीने महामार्गाने जोडण्याचा शासनाचा मानस आहे. या महामार्गाचा विस्तार नागपूर ते गोंदियापर्यंत करण्यात येत असून नागपूर ते गोंदिया समृद्धी महामार्ग १६२.५७७ किलोमीटर लांबीचा पूर्ण होणार आहे. जिल्ह्यातील ३४ गावांची व बायपास करिता ८ गावांची जमीन संपादित होणार आहे. याची प्रक्रिया सुरू असल्याचे यावेळी जिल्हाधिकारी श्री. नायर यांनी श्री. देओल यांना सांगितले.यासह मुख्यमंत्री सौर कृषी वाहिनी योजना टप्पा दोन याबाबतची माहिती श्री. देओल यांनी घेतली. सध्या जिल्ह्यात एकूण असलेले उपकेंद्र, त्यातून भविष्यात निर्माण होणारी सौर ऊर्जा, त्यासाठी लागणारी जमीन, एकूण सौर ऊर्जा निर्मिती क्षमता, कार्यादेश दिलेल्या एजन्सीची संख्या याबाबत सविस्तर माहिती जिल्हाधिकारी यांनी पालक सचिव श्री. देओल यांना दिली. यासोबत कृषी उन्नती योजनेअंतर्गत ?ग्रीस्टॅक प्रकल्पाचाही आढावा घेण्यात आला. या योजनेअंतर्गत काही समस्यांचा सामना करावा लागत असल्याचे जिल्हाधिकारी यांनी पालक सचिव यांच्या निदर्शनास आणून दिले. यामध्ये वनहक्क पट्टेधारकांना इतर हक्क सदरी नाव असल्यामुळे त्यांचा ?ग्रीस्टॅक अंतर्गत नोंद होत नाही त्यामुळे पी.एम. किसान योजनेचा लाभ देता येत नाही. यासह अग्रीस्टॅक अंतर्गत जुन्या यादीमधील दीड दोन वर्षांमध्ये फेरफार झालेले वारस किंवा खरेदी विक्री झाल्यामुळे लाभधारकांचे नाव अग्रीस्टॅक डॅशबोर्डवर नसल्यामुळे त्यांचे फार्मर आयडी तयार करण्यास अडचण येत आहे. पीएम किसान योजनेचा लाभ देण्यासाठी १५ टक्के शिल्लक असक्रिय पीएम किसानचे लाभार्थी आहेत ते संकेतस्थळावरून पूर्णतः डिलीट होत नसल्यामुळे शंभर टक्के फार्मर आयडी बनण्याची दिलेले उद्दिष्ट पूर्ण करता येत नाही. जिल्ह्यातील भारतनेट महानेट प्रगतीचाही व सद्यस्थिती बाबतचा आढावा पालक सचिव श्री. देओल यांनी यावेळी घेतला. जिल्हा नियोजन अंतर्गत जिल्ह्याला सर्वसाधारण योजना, अनुसूचित जाती उपयोजना आणि आदिवासी योजना व क्षेत्र बाह्य योजना यासाठी मिळालेला निधी, खर्चाचे वाटप याबाबतचीही माहिती जिल्हाधिकारी श्री. नायर यांनी पालक सचिव देओल यांना दिली.मुख्यमंत्र्यांच्या संकल्पनेतून १५० दिवसांचा कृती आराखडा बाबत माहिती देताना नायर यांनी सांगितले, जिल्ह्यातील काम समाधानकारक असून काही बाबी शासन स्तरावर आहेत. नुकतेच जिल्ह्यातील २२१ उमेदवारांना नियुक्तीपत्र देण्यात आले आहेत. त्यात सरळसेवेने तसेच अनुकंपा तत्त्वावर कर्मचारी नियुक्त करण्यात आलेले आहेत. याबाबतचे शंभर टक्के काम जिल्ह्याने केलेले आहे. आयगॉट (ग्उध्ऊ) पोर्टलवरील अभ्यासक्रम जिल्ह्यातील अधिकारी कर्मचार्‍यांनी केलेले असल्याची माहिती दिली. गोंदिया जिल्हा परिषदेच्या शिक्षण विभागाची माहिती मुख्य कार्यकारी अधिकारी एम. मुरुगानंथम यांनी दिली, याबाबत काही महत्त्वपूर्ण सूचना श्री. देओल यांनी यावेळी केल्या. यामध्ये सौर ऊर्जा प्रकल्प शाळेमध्ये राबविण्यात येत आहे त्यात अधिक चांगल्या प्रकारे काम करावे. यासह सी.एस.आर. अंतर्गत मिळणारा निधी हा दर्जेदार कामांसाठी खर्च करावा, अशी सूचना श्री. देओल यांनी यावेळी केली. यासह जिल्हा परिषद अंतर्गत क्रीडा व सांस्कृतिक कार्यक्रम राबविले जात असून यासाठी जिल्हा परिषदेने निधी राखीव ठेवलेला आहे, हे चांगले काम गोंदिया जिल्हा परिषद करीत असून या कामाचे कौतुक श्री. देओल यांनी यावेळी केले. जिल्ह्यात सुरु असलेल्या विकास कामांबाबत देओल यांनी समाधान व्यक्त केले. ०००००००