Railway task force: सुगंधित तंबाखुची तस्करी रेल्वे टॉस्क फोर्सने उधळली

आरोपीला अटक; १३६२० रूपयाचा माल जप्त

गोंदिया : स्थानिक रेल्वे स्थानकाच्या फलाट क्र.१ वर दोन मोठ्या पिशव्या घेवून जात असलेल्या इसमाचा रेल्वे टॉस्क फोर्सला Railway task force संयश बळावला. त्याला थांबवून बॅगची तपासणी केली असता त्यातच सुगंधित तंबाखु, सिगारेटची मध्यप्रदेश येथून तस्करी केली जात असल्याचा प्रकार समोर आला. ही कारवाई आज (ता.१६) दुपारी ४ वाजता सुमारासची आहे. या कारवाईत आरोपी अनिल मुलचंद दलयानी (४१) रा.सिंधी कॉलनी वडसा याला ताब्यात घेण्यात आले. तसेच त्याच्याकडून १३ हजार ६२० रूपयाचा मुद्देमाल जप्त करण्यात आला.

रेल्वेगाड्यामध्ये होणार्‍या अवैध कारभारावर आळा घालण्यासाठी रेल्वे टास्क फोर्स Railway task force तैनात करण्यात आली आहे. टॉस्क फोर्सचे उपनिरीक्षक के.के.निकोडे, आर.सी.कटरे, राजेंद्र रायकवार, वि.के.कुशवाह हे रेल्वे स्थानकावर गस्त घालत होते. दरम्यान फलाट क्र.१ वर दोन बॅगसह एक व्यक्ती दिसून आला. त्याच्या हालचालीवर संशय बळावला असताना स्थानिक गुन्हे शाखेचे उपनिरीक्षक भाटिया, पोशि रावते, बंजारे व रहांगडाले यांना पाचारण करून त्याची चौकशी करण्यात आली. दरम्यान आरोपी अनिल दलयानी याच्याकडून १३ हजार ६२० रूपये किंमतीची सुगंधित तंबाखु व सिगारेट हस्तगत करून ताब्यात घेण्यात आले. तसेच आरोपीविरूध्द गोंदिया शहर पोलिस ठाण्यात गुन्हा नोंद करण्यात आला आहे.