आरोग्य शिबिरात 500 हुन अधिक नागरिकांनी घेतला लाभ

भानपूर येथे “स्वस्थ नारी-सशक्त परिवार” अभियान अंतर्गत
गोंदिया : प्राथमिक आरोग्य केंद्र भानपूर येथे 26 सप्टेंबर रोजी “स्वस्थ नारी-सशक्त परिवार” अभियान अंतर्गत आरोग्य शिबिराचे आयोजन सार्वजनिक आरोग्य विभागाने व एकात्मिक महिला व बाल कल्याण विकास विभागाने यांच्या संयुक्त विद्यमान द्वारे करण्यात आले.सदर शिबिराचे उद्घाटन जि.प सदस्या तथा भानपूर प्रा.आ.केंन्द्राचे जन आरोग्य समिती अध्यक्ष पूजा अखिलेश शेठ,जि.प.सदस्या तथा कृषी व पशुसंवर्धन संभापती दिपाताई चंद्रिकापुरे व जि.प.सदस्या अंजलीताई अटरे, मुर्री पंचायत समिती सदस्या शैलजाताई सोनेवाने, ग्राम भानपूरचे सरपंच सरिता ताई कटरे व उपसरपंच योगेश पतेह, ग्राम जब्बरटोलाचे सरपंच गहिरवार,उपसरपंच ढाकनी पंकज चौधरी, सामाजिक कार्यकर्ता पार्डीबांध गुलशन अटरे व सचिन पालांदूरकर यांचे उपस्थितीत संपन्न झाले.सर्वात प्रथम मान्यवरांच्या हस्ते दिपप्रज्वलन करून राजमाता जिजाऊ व क्रांतिज्योती सावित्रीबाई फुले यांचे प्रतिमेचे पूजन करून करण्यात आले. आरोग्य शिबीराप्रसंगी जिल्हा आरोग्य अधिकारी डॉ.अभिजित गोल्हार,सहाय्यक जिल्हा आरोग्य अधिकारी डॉ.अरविंदकुमार वाघमारे,जिल्हा माता व बाल संगोपन अधिकारी डाँ.रोशन राऊत,गोंदिया तालुका आरोग्य अधिकारी डॉ.निलेश जाधव, महिला बाल प्रकल्प अधिकारी किरणापुरे,जिल्हास्तरीय वैद्यकीय अधिकारी डाँ वेदप्रकाश चौरागडे,जिल्हा कार्यक्रम, व्यवस्थापक अर्चना वानखेडे, अंगणवाडी पर्यवेक्षिका उईके मॅडम व सुलाखे मॅडम यांचेसह शासकीय वैद्यकीय महाविद्यालय,के.टी.एस सामान्य रुग्णालय येथील बांलरोग तज्ञ, स्त्री रोग तज्ञ, कान नाक घसा तज्ञ यांनी लोकांना आरोग्य सेवा दिली.

आरोग्य शिबीरात 507 लोकांनी आरोग्य सेवेचा लाभ घेतला त्यात प्रामुख्याने 16 गरोदर माता,92 स्तनदा माता,36 बालकांची तपासणी करण्यात आली. त्याच सोबत 35 लोकांनी आयुष सेवा,35 लाभार्थींची नेत्र तपासणी,125 दंतरोग तपासणी,120 आवश्यक प्रयोगशाळा तपासणी व 16 लोकांनी रक्तदान केल्याची माहीती वैद्यकीय अधिकारी डॉ. अमर खोब्रागडे यांनी दिली आहे. शिबीराप्रसंगी गरोदर माता,स्तनदा माता तपासणी,कुपोषित सँम व मॅम बालकं तपासणी, घसा नाक-कान-घसा व नेत्र तपासणी ,दंत तपासणी,आयुष पंचकर्म,किशोरवयीन मुली यांचे लसिकरण,ईसीजी, सिकलसेल, मधुमेह, रक्तदाब,कुष्ठरोग, क्षयरोग, हिवताप यांच्या सुद्धा तपासणी करण्यात आल्यात. विविध आजाराबाबत जनजागृती प्रदर्शन,जलजण्य आजाराबद्दल समुपदेशन, गप्पी मासे, लार्वा प्रदर्शनी, मानव विकास कार्यक्रम, तसेच सर्वांचे आकर्षण म्हणजे योगा प्रात्यक्षिक व पोषण आहार प्रदर्शन, रक्तदान शिबीर यावर सेवा देण्यात आल्याची माहीती वैद्यकीय अधिकारी डाँ.तुलसी भगत यांनी दिली आहे. आरोग्य शिबीर यशस्वी करण्यासाठी भानपुर प्राथमिक आरोग्य केंद्राचे वैद्यकीय अधिकारी डाँ.अमर खोब्रागडे, डाँ.तुलसी भगत,डाँ.निधी हटवार यांचे मार्गदर्शन लाभले.शिबीराप्रसंगी कार्यक्षेत्रातील सामुदायिक आरोग्य अधिकारी डाँ.नेहा टेभरे, डाँ.सुशील अंबुले, डाँ.वैशाली मेश्राम, डाँ.पूजा ठाकूर,डाँ.शिल्पा रहांगडाले,डॉ.स्नेहा पटले तसेच आरोग्य सहाय्यक तांबे व न्यायखोर, आरोग्य सहायिका माया ठाकरे,प्रयोगशाळा वैज्ञानिक अधिकारी कोमल महादुले, फ्लेबेटोमिस्ट तूरकर,आशा गट प्रवर्तक मनीषा कटरे यांचे सह सर्व आरोग्य सेविका,आरोग्य सेवक,आशा सेविका,अंगणवाडी सेविका,परिचर,स्वच्छक, ड्रायव्हर, डाटा आपरेटर,मदतनीस या सर्वांचे सहकार्य लाभले.