173 लाभार्थ्यानी मोबाइल कॅंसर व्हॅनद्वारे केली आपली तपासणी
प्राथमिक आरोग्य केंद्र तिल्ली मोहगाव येथे कर्करोग तपासणी शिबीर संपन्न
गोंदिया : सार्वजनिक आरोग्य विभागाने मोबाईल कर्करोग (cancer screening test) तपासणी या व्हॅनद्वारे शहरासह ग्रामीण व दुर्गम भागातील नागरिकांची मोफत कर्करोग तपासणी केली जात आहे.प्राथमिक आरोग्य केंद्रे व ग्रामीण रुग्णालयांना भेट देऊन एका दिवसात शंभरहून अधिक रुग्णांची तपासणी करण्याची क्षमता या व्हॅनमध्ये आहे. दि.8 सप्टेंबर रोजी प्राथमिक आरोग्य केंद्र तिल्ली मोहगाव येथे कर्करोग तपासणी (cancer screening test) शिबिराचे आयोजन करण्यात आले होते. या शिबिरात 173 लाभार्थ्यांनी मोबाइल कॅंसर व्हॅनमध्ये आपली तपासणी केली असुन त्यात 68 मुख कर्करोग, 62 महिलांची गर्भाशय कर्करोग व 43 महिलांची स्तन कर्करोग संबधाने तपासणी (cancer screening test) केल्याची माहीती वैद्यकिय अधिकारी डॉ.नितेश कनोजे यांनी दिली आहे. मोबाईल व्हॅनमध्ये ए.सी.तपासणी कक्ष असून मुख कर्करोगासाठी डेंटल चेअर, स्तन कर्करोगासाठी प्रगत तपासणी यंत्रणा व गर्भाशयाच्या कर्करोगासाठी कोल्पोस्कोप यंत्र आहे.
मोबाइल कॅंसर व्हॅनमध्ये आयोजित करण्यात आलेल्या या शिबिरात स्त्रीरोग तज्ज्ञ डॉ.अनुराधा मुंडे,मुखरोग तज्ज्ञ डॉ.प्रणव शेखर व शल्यचिकित्सक डॉ.विभु शर्मा,स्टाफ नर्स पी.बी.पटले,कठाणे यांनी लाभार्थ्यांची विविध तपासणी केली. कॅन्सर तपासणी (cancer screening test) शिबीर तालुका आरोग्य अधिकारी डॉ.विनोद चव्हाण,वैद्यकीय अधिकारी डॉ.नितेश कनोजे,डॉ.मिनल कुर्वे यांचे मार्गदर्शनात आयोजित करण्यात आले होते.कॅन्सर तपासणी शिबिराला ग्राम तिल्ली मोहगावचे सरपंच होमेंद्र पटले यांनी स्वत: तपासणी करुन गावातील नागरिकांना कर्करोग संबधाने लक्षणे जाणवणार्यांनी तपासणी करुन घेण्याचे आवाहन केले.प्राथमिक आरोग्य केंद्राचे आरोग्य सहाय्यक हेमंत बोपचे,राऊत यांचे सह आरोग्य कर्मचारी, आशा सेविका, परिचर व इतर सर्व अधिकारी/ कर्मचारी यांच्या मदतीने व जाणभागीदारीने हे कर्करोग तपासणी शिबीर यशस्वी रित्या संपन्न झाले.
कर्करोगासारख्या गंभीर आजाराचे वेळेत निदान व्हावे व नागरिकांना मोफत उपचार मिळावेत या उद्देशाने राज्य शासनाच्या सार्वजनिक आरोग्य विभागाने मोबाईल कर्करोग तपासणी व्हॅन गोंदिया जिल्ह्यात 21 ऑगस्ट पासुन आरोग्य संस्थामध्ये कर्करोग तपासणी शिबीरे झाली आहे.आरोग्य विभागाने जिल्ह्यातील आठही तालुक्यातील 32 आरोग्य संस्थेतील गावात मोबाईल कर्करोग तपासणी व्हॅन द्वारे महिला व पुरुषांची मोफत तपासणी करण्यात येणार असल्याची माहीती जिल्हा शल्यचिकित्सक डॉ.पुरुषोत्तम पटले यांनी दिली आहे.
