National highway 53 : ३ वर्षात महामार्गावरील अपघातात ८८ जणांचा बळी

महामार्गावर २० ब्लॅक स्पॉट रेखांकित
गोंदिया : जिल्ह्यातील राष्ट्रीय महामार्गासह राज्य महामार्ग गेले आहेत. या महामार्गावरुन दररोज हजारो नागरिक लहान- मोठ्या वाहनांची सतत वर्दळ असते. महामार्गावरील अपघात टाळण्यासाठी उपाययोजना करण्यात येत असल्या तरी मागील ३ वर्षात झालेल्या अपघातांमध्ये ८८ जणांना जीव गमवावा लागला आहे. वाहतून नियंत्रण शाखेच्या वतीने महामार्गावर २० ब्लॅक स्पॉट रेखांकित केले आहेत. असे असले तरी दररोज होणारे अपघात एक मोठी समस्या म्हणून समोर येवू लागली आहे.

जिल्ह्यातील राष्ट्रीय महामार्ग क्र.५३, ७५३, ५४३ तर राज्य महामार्ग ३३५ इतर प्रमुख जिल्हा मार्ग आहेत. या मार्गावरुन दररोज हजारोच्या संख्येत वाहन धावत असतात. २४ तास धावणार्‍या वाहनांमुळे या मार्गावर सतत वर्दळ पहावयास मिळते. अपघात टाळून सुरक्षित प्रवासासाठी परिवहन विभाग व वाहतूक नियंत्रण विभागाच्या वतीने उपाययोजना करण्यात आल्या आहेत. परंतु, उपाययोजना कमी पडत असल्याचे वाढत्या अपघाताच्या घटनांवरून समोर आले आहे. गेल्या ३ वर्षात महामार्गावर (National highway 53) झालेल्या अपघातात ८८ जणांचा जीव गेला आहे. तर शेकडोच्यावर जण जखमी झाले आहेत. या वाढत्या अपघाताच्या घटनांनी सुरक्षित वाहतुकीचा प्रश्नही निर्माण झाला आहे. अपघातप्रवण क्षेत्र निर्धारीत करण्यात आले असून वाहतूक पोलिसांच्या वतीने महामार्गावर जवळपास २० ब्लॅक स्पॉट (Accident blackspot) घोषित करण्यात आले आहे. या ठिकाणाहून वाहन धारकांना आवश्यक त्या सुचनाही फलकांच्या माध्यमातून देण्यात आल्या आहेत. परंतु, वाहतूक नियमांचे उल्लंघन होत असल्याने अपघाताची मालिका काही कमी होताना दिसून येत नाही. यामुळे महामार्ग होणारे अपघात चिंतेचा विषय ठरले आहेत.
……………..
एकाच ठिकाणी दोन ते तीन अपघात
जिल्ह्यातील महामार्गावर एकाच ठिकाणी चार ते पाच अपघात घडून येत असल्याने त्या ठिकाणांना वाहतूक पोलिसांच्या वतीने ब्लॅक स्पॉट (Accident blackspot) घोषित करून रेखांकित करण्यात आले. असे एकूण २० पॉईंट घोषित करण्यात आले असून हे ठिकाणी अपघात प्रवण क्षेत्र म्हणून ओळखले जावू लागले आहेत.
…………..
Accident blackspot :महामार्गावरील २० ब्लॉक स्पॉट
जिल्हा वाहतूक पोलिसांच्या वतीने जिल्ह्यातील महामार्गावर २० अपघात प्रवण क्षेत्र रेखांकित करण्यात आले आहेत. यामध्ये डुग्गीपार पोलिस ठाण्यातंर्गत राष्ट्रीय महामार्ग क्र.५३ वरील डव्वा, नैनपूर, चिखली, तिरोड़ा पोलिस ठाण्यातंर्गत राष्ट्रीय महामार्ग क्र.५३ वरील मुंडीकोटा, अदानी पॉवर प्लांट, बिर्सी फाटा, गोंदिया ग्रामीण पोलिस ठाण्यातंर्गत फुलचुर आयटीआय, कारंजा बसस्थानक, मुरदोली, धोबीसराड, लोहारा, राष्ट्रीस महामार्ग क्र.५४३ वरील रामनगर भागवतटोला, कटंगीकला, रावणवाड़ी पोलिस ठाण्यातंर्गत महामार्ग क्र.५४३ वरील रावणवाड़ी बस स्टॉप, कोरणी नाका, सालेकसा पोलिस ठाण्यातंर्गत साखरीटोला, डोंगरगांव, राज्य महामार्ग क्र.३३५ वरील झालिया, गोरेगाव पोलिस ठाण्यातंर्गत राष्ट्रीय महामार्ग क्र.७५३ वरील मुरदोली व अर्जुनी मोरगांव पोलिस ठाण्यातंर्गत राष्ट्रीय महामार्ग क्र.७५३ वरील ईटखेडा टी-पाईंटचा समावेश आहे.