accidents News: भरधाव इनोव्हाची मोटार सायकलला धडक

येडमाकोट फाट्याजवळील घटना :  आजी आजोबा व नातीन जखमी
तिरोडा : तूमसर मार्गावरील येडमाकोट येथून मुंडीकोटा कडे ट्रिपल सीट जाणाऱ्याना मोटार सायकलला
तिरोडाहून अकोल्याकडे जात असलेल्या भरधाव इनोव्हा कारने धडक दिली. यात मोटार सायकलवरिल तिघे जण गंभीर जखमी झाल्याने त्यांच्यावर भंडारा येथील रुग्णालयात उपचार सुरू आहेत.
दिनांक १२ रोजी दुपारी बारा वाजता चे दरम्यान येडमाकोट येथील लक्ष्मण दमाहे मोटार सायकल क्रमांक एम एच ३५ ए पी ३४५१ ने पत्नी व नातिनीं सोबत मुंडीकोटाकडे जात असतांना भरधाव वेगाने येणाऱ्या इनोव्हा कार क्रमांक MH 22 k 0990 ने धडक दिली. तिन्ही जण रस्त्याच्या खाली पडून गंभीर जखमी झाले. लक्ष्मण दमाहे, कोल्हाबाई दमाहे व सोनी भरत बन्नाटे (वय २० वर्षे) यांच्या समावेश आहे. त्यांना आधी तुमसर येथील रुग्णालयात प्रथमोपचाराकरिता नेण्यात आले मात्र परिस्थिती गंभीर असल्याने पुढील उपचाराकरिता भंडारा येथे पाठविण्यात आले.
अपघात स्थळी मोठा जमाव एकवटला होता. काही वेळ वाहतूक कोंडी झाली. यावेळी तिरोडा पोलिस स्टेशनचे शिपाई विदेश अंबुले, प्रणव तिवारी, वाहतूक पोलीस विनोद चवळे, महिला शिपाई नयना व स्थानिक लोकांनी रस्त्यावरील वाहतूक सुरळीत केली.