Pik vima yojana 2025 : प्रधानमंत्री पीक विमा योजनेत सहभागी होण्यासाठी मुदतवाढ

गोंदिया : गोंदिया जिल्ह्यात प्रधानमंत्री पीक विमा योजनेची अंमलबजावणी भारतीय कृषि विमा कंपनी लिमिटेड या कंपनीमार्फत करण्यात येत आहे. प्रधानमंत्री पीक विमा योजनेसाठी जिल्ह्यातील भात पीक अधिसूचित केलेले असून जिल्ह्यातील 16 हजार 855 शेतकरी या योजनेत सहभागी झाले आहेत. यावर्षी खरीप भात पिकासाठी शेतकऱ्यांनी भरावयाचा पीक विमा हप्ता (pik vima yojana 2025) रक्कम रु.592.50/- प्रति हेक्टरी आहे. विमा  संरक्षित रक्कम 59 हजार 250 रुपये आहे.
प्रधानमंत्री पीक विमा योजना (pik vima yojana 2025) खरीप हंगाम सन 2025 अंतर्गत बिगर कर्जदार शेतकऱ्यांना या योजनेमध्ये सहभागी होण्यासाठी अंतिम तारीख 14 ऑगस्ट 2025 आहे, तर कर्जदार शेतकऱ्यांना 30 ऑगस्ट 2025 पर्यंत असल्याने जास्तीत जास्त शेतकऱ्यांनी या योजनेमध्ये सहभागी होण्याकरीता आपल्या नजिकच्या बँक शाखेत तसेच आपले सरकार सेवा केंद्रामध्ये विमा हप्ता भरुन सहभागी व्हावे, असे आवाहन जिल्हा अधीक्षक कृषि अधिकारी निलेश कानवडे यांनी केले आहे.