matdan janjagruti  : मतदार जनजागृतीला उत्स्फूर्त प्रतिसाद; युवा मतदार जागृतीची चळवळ जोरात

भंडारा महाविद्यालयीन विद्यार्थ्यांत मतदान प्रक्रियेबाबत सखोल मार्गदर्शन; घोषवाक्य, निबंध, वक्तृत्व व रांगोळी स्पर्धांमधून वाढणार सहभाग
साकोली : नगरपरिषद सार्वत्रिक निवडणूक २०२५ च्या पार्श्वभूमीवर मतदार जागृती वाढविण्यासाठी साकोलीत ‘स्वीप’ उपक्रमांतर्गत विशेष जनजागृती (matdan janjagruti ) कार्यक्रमांचे आयोजन करण्यात आले. निवडणूक अधिकारी तथा तहसीलदार निलेश कदम, सहाय्यक निवडणूक निर्णय अधिकारी व मुख्याधिकारी मंगेश वासेकर, स्वीप नोडल अधिकारी कु. कल्याणी भवरे आणि स्वीप सहाय्यक अधिकारी मिलन गजापुरे यांच्या मार्गदर्शनाखाली शहरातील विविध महाविद्यालयांमध्ये मतदानाचे महत्त्व आणि प्रक्रिया याबाबत विद्यार्थ्यांना मनोगत, माहितीपूर्ण मार्गदर्शन देण्यात आले.
कटकवार कनिष्ठ महाविद्यालय, शामराव बापू महाविद्यालय, एम.बी. पटेल महाविद्यालय तसेच कनिष्ठ महाविद्यालयांमध्ये (matdan janjagruti )  विशेष जनजागृती वर्गांचे आयोजन झाले. यावेळी विद्यार्थ्यांना मतदार जनजागृतीसाठी राबविण्यात आलेल्या विविध स्पर्धांची माहिती देण्यात आली. घोषवाक्य स्पर्धा, निबंध स्पर्धा, वक्तृत्व स्पर्धा आणि रांगोळी स्पर्धा अशा विविध स्पर्धांतून विद्यार्थ्यांना सक्रिय सहभागासाठी प्रोत्साहित करण्यात आले. प्रत्येक महाविद्यालयात विद्यार्थ्यांनी उत्स्फूर्त उपस्थिती दर्शवून मतदार जागृती उपक्रमाला उत्साहवर्धक प्रतिसाद दिला. या संपूर्ण उपक्रमाचा मुख्य उद्देश युवा पिढीला (matdan janjagruti ) जागरूक मतदार म्हणून तयार करणे आणि लोकशाही प्रक्रियेत त्यांचा सहभाग वाढवणे हा आहे. विद्यार्थ्यांना मतदानाचे सामाजिक, संवैधानिक आणि नैतिक महत्त्व पटवून देत लोकशाही बळकटीसाठी त्यांचे योगदान आवश्यक असल्याचा संदेश देण्यात आला.

——————————————–

मतदान व मतमोजणीच्या दिवशी भरणारे आठवडी तुमसर साकोली व पवनी या तालुक्यामध्ये बाजार राहणार बंद
भंडारा : जिल्ह्यात नगरपरिषदा व  नगरपंचायत सार्वत्रिक निवडणूक मतदानाच्या दिवशी मंगळवार 2 डिसेंबर 2025 व बुधवार 3 डिसेंबर 2025 मतमोजणीच्या दिवशी जिल्‍ह्यात भरणारे सर्व आठवडी बाजार बंद ठेवण्‍याचे आदेश मार्केट अॅंड फेअर अॅक्‍ट 1862 चे कलम 5 अन्‍वये जिल्‍हाधिकारी तथा जिल्‍हा‍दंडाधिकारी सावनकुमार यांनी निर्गमीत केले आहेत. नगरपरिषद व  नगरपंचायत मतदार संघात मंगळवार 2 डिसेंबर 2025 रोजी मतदान व बुधवार 3 डिसेंबर 2025 रोजी मतमोजणी होणार आहे. त्‍याअनुषंगाने पणन संचालक, महाराष्‍ट्र राज्‍य, पुणे यांनी मतदान व मतमोजणी दिनांकास जिल्‍ह्यात भरणारे सर्व आठवडी बाजार बंद ठेवण्‍यास आदेशित केले आहे. मंगळवार 2 डिसेंबर 2025 रोजी मतदानाच्या दिवशी आठवडी बाजार भरणाऱ्या ठिकाणाची नावे पुढीलप्रमाणे आहेत.  मतमोजणीच्या दिवशी म्हणजेच 3 डिसेंबर 2025 रोजी  याठिकाणचे  आठवडी बाजार दुसऱ्या दिवशी म्हणजे गुरुवार 4 डिसेंबर 2025 रोजी भरविण्यात यावेत, असे आदेश निर्गमित केले आहे.