Murder Mistry: मजुरीचे पैसे जीवावर उठले; धारदार शस्त्राने ‘हसनलाल’ची हत्या

आठवडाभरानंतर आरोपी गवसले
स्थानिक गुन्हे शाखेची कामगिरी
गोंदिया : तालुक्यातील रायपूर-सालईटोला मार्गावर एका इसमाचे मृतदेह रक्ताच्या थारोळ्यात आढळले होते. दवनीवाडा पोलिसांनी घटनास्थळ गाठून पंचनामा केला असता सदर मृतदेह हनसलाल भंडारी पाचे (३७) रा.रायपुर याचे असल्याचे समोर आले. या प्रकरणी हत्येचा गुन्हा नोंद करून पोलिसांनी कार्य सुरू केले होते. अखेर आठवडाभरानंतर हत्या (Murder Mistry) प्रकरणातील आरोपींना जेरबंद करण्यात पोलिसांना यश आले. स्थानिक गुन्हे शाखेच्या पथकाने हत्या प्रकरणाचा उलगडा करीत दोन आरोपींना ताब्यात घेतले आहे. कपुरचंद ऊर्फ बन्टी हरिचंद ठाकरे (३९) व ओमकार चैतराम नेवारे (५२) दोन्ही रा.रायपुर असे आरोपींची नावे आहेत. मजुरीच्या पैशावरून हसनलाल पाचे याची हत्या (Murder Mistry) केल्याची कबूली आरोपींनी दिली आहे.
रायपूर-सालईटोला मार्गावर एका युवकाचे मृतदेह रक्ताच्या थारोळ्यात दिसून आले होते. ही घटना २ सप्टेंबरची होती. या घटनेने परिसरात खळबळ उडाली. घटनेची माहिती मिळताच दवनीवाडा पोलिसांनी पंचनामा करून मृताची ओळख पटविला. हसनलाल भंडारी पाचे (३७) रा.रायपूर असे मृतकाचे नाव होते. मृताच्या डोक्यावर धारदार शस्त्राच्या जखमा असल्याने हत्या करण्यात आली असावी, असा अंदाज वर्तवित पोलिसांनी तपासकार्य हाती घेतले. दवनीवाडा पोलिस व स्थानिक गुन्हे शाखेचे वेगवेगळे पथक तयार करून समातंर तपास सुरू होते. परंतु, सुगावा लागत नसल्याने प्रकरणाचे गुढ (Murder Mistry) वाढत गेले. तब्बल आठ दिवसानंतर पोलिसांच्या तपासकार्याला यश आले. गोपनिय माहीतीच्या आधारे पोलिसांनी ६ सप्टेंबर रोजी रायपूर येथून कपुरचंद ऊर्फ बन्टी हरिचंद ठाकरे (३९) व ओमकार चैतराम नेवारे (५२) या दोघांना ताब्यात घेतले. त्यांची कसुन चौकशी केली असता मजुरीचे पैसे देण्यावरून हनसलाल भंडारी पाचे याची हत्या केल्याची कबूली आरोपींनी दिली. (Murder Mistry) या प्रकरणी दवनीवाडा पोलिस ठाण्यात दोन्ही आरोपींविरूध्द गुन्हा नोंद करण्यात आला आहे.
सदरची कारवाई जिल्हा पोलिस अधिक्षक गोरख भामरे यांच्या मार्गदर्शनाखाली स्थानिक गुन्हे शाखेचे पोलीस निरीक्षक पुरूषोत्तम अहेरकर, पो.नि.श्रीमती वैशाली ढाले, स.पो.नि. धिरज राजुरकर, स.पो.नि. संजयकुमार टेकाम, पोउपनि वनिता सायकर, पो.उप.नि.शरद सैदाने, पो.उप.नि.महेश राठौड तसेच स्थानिक गुन्हे शाखा गोंदिया व पो.स्टे.दवनीवाडा येथील अंमलदार यांनी केली आहे.
………………….
पैसे मागणे जिवावर बेतले
रायपूर येथील (Murder Mistry) हसनलाल पाचे हा आरोपी कपुरचंद उर्फ बंटी हरीचंद ठाकरे याच्याकडे बांधकाम मजुर म्हणून कार्यरत होता. दरम्यान मजुरी अडल्याने हसनलाल हा २ सप्टेंबर रोजी रात्री ९ ते १०:३० वाजता सुमारास पैसे मागण्याकरीता आरोपी कपुरचंद ठाकरे याच्या घरी गेला होता. दरम्यान एवढ्या रात्री माझ्या घरी मजुरीचे पैसे मागायला का आलास, असे बोलून आरोपीने वाद निर्माण केला. तसेच बुक्याने जबर मारहाण केली. आरोपी एवढ्यावरच न थांबता धारदार शस्त्राने हसनलाल याच्यावर वार करून ठार केले. एंकदरीत या प्रकरणात मजुरीचे पैसे मागणे मृतकाच्या जिवावर बेतले.
००००००