E-pik nondni ई-पिक नोंदणीचा शेतकर्‍यांना ताप !
अँपचा अडथळा पीक नोंदणी होणार कशी
गोंदिया : प्रधानमंत्री पिकविमा येजनेच्या लाभासाठी शेतकर्‍यांना आपल्या शेतात जाऊन E-pik nondni ई-पीक नोंदणी अनिवार्य करण्यात आली आहे. मात्र, शासनाने उपलब्ध करून दिलेल्या E-pik nondni ई-पीक पाहणी डीएसी हे अ‍ॅप बहुतांश शेतकर्‍यांना हाताळता येत नसल्याने शेतकरी मोठ्या अडचणीत सापडले आहेत. ई-पीक नोंदणी करताना अनेक शेतकर्‍यांना अ‍ॅप हाताळता येईनासे झाल्यामुळे ई-पीक नोंदणी ही शेतकर्‍यांसाठी डोकेदुखी ठरू लागली आहे. त्यामुळे अनेक शेतकरी नोंदणीपासून वंचितही राहण्याची शक्यता निर्माण झाली आहे. Pm Pik vima yojana प्रधानमंत्री पीक योजनेसह अन्य नुकसान भरपाई मिळविण्यासाठी शासनाने मागील तीन वर्षापासून खरीप व रब्बी हंगामात लागवड केलेल्या पिकांची ई-पीक पाहणी बंधनकारक केली आहे.
यंदा खरीप हंगामात लागवड केलेल्या पिकांच्या ई-पीक पहणीच्या नोंदी अभियानास १४ ऑगस्टपासून प्रारंभ झाला असून १४ सप्टेंबरपर्यंत अंतिम नोंदणीची मुदत दिली आहे. त्यामुळे गोंदिया जिल्ह्यातील ग्रामीण भागातील शेतकरी दररोज शेतात ई-पीक पाहणी करण्यासाठी मोबाईल अ‍ॅपशी झटत आहेत. पण सदर अ‍ॅप सुरु होण्यास तास्तास लागत आहेत. स्वत:च्या शेतात उभे राहून ई-पीक नोंदणी करण्याचा प्रयत्न करणार्‍या शेतकर्‍यंन अ‍ॅप व्यवस्थित न उघडणे, इंटरनेट स्लो असल्याने सतत लोडींग ऑनलाईन प्रक्रिया समजण्यास अडचणी येणे अशा वेगवेगळ्या अडथळ्यांना सामोरे जावे लागते.दरम्यान गुगल मॅपमध्ये शेतापासून गट नंबर किंवा सर्व्हे नंबरपासून दूर दाखवले जात आहे. त्यामुळे त्या शेताची नोंदणी पूर्ण होत नाही. प्रधानमंत्री पिक विमा योजना ही दिल्ली मार्फत राबवली जात आहे. मात्र या तांत्रिक अडचणींमुळे शेकर्‍यांना विम्याचा लाभ वेळेत मिळण्यात मोठा अडथळा निर्माण झाला आहे. या सर्व अडचणींमुळे ई-पीक विम्यापासून वंचित राहण्याची शक्यता असल्याने शेतकरी चिंतेत सापडले आहेत.
………….
सर्व्हे डाऊनमुळे अडचण
खरीप हंगाम २०२५-२६ साठी ऑनलाईन पध्दतीने पीक नोंदणी प्रक्रिया सुरु झाली आहे. इंटरनेटची कमी गती, अ‍ॅपमध्ये वारंवार येणार्‍या तांत्रिक अडचणी आणि आवश्यक प्रशिक्षणाचा अभाव यामुळे शेतकर्‍यांचे नोंदणी काम रखडत आहे. प्रत्यक्षात संध्याकाळी सहा वाजल्यानंतर हे अ‍ॅप काम करणे बंद करते आणि सकाळी सहा वाजल्यानंतरच सुरु होते. सर्व्हरवर प्रचंड लोड असल्यामुळे शेतकर्‍यांना नोंदणी करणे अंत्यत अवघड जात आहे.
०००००००००००
