Gondia police: हरविलेल्या मोबाईलचा शोध घेवून मूळ मालकाना परत

रावणवाडी पोलिसांची प्रशंसनीय कामगीरी

हरविलेल्या मोबाईलचा तांत्रीक पध्दतीने शोध

गोंदिया : रावणवाडी पोलीस ठाणे हद्दीतुन नागरिकांचे वेगवेगळया ठिकाणाहुन वेगवेगळे कंपनीचे महागडे मोबाईल हँडसेट हरविल्याच्या तक्रारी पोलीस ठाण्यास प्राप्त झालेल्या होत्या. सदर तक्रारीचे अनुषंगाने वरिष्ठांचे निर्देश सूचनाप्रमाणे रावणवाडी पोलीस ठाणेचे पोलीस निरीक्षक वैभव पवार यांनी गंभीर दखल घेवून त्यांच्या अधिनस्त पोलीस अंमलदार यांना मार्गदर्शन करुन हरविलेल्या मोबाईलचे शास्त्रोक्त पध्दतीने शोध घेण्याबाबत आदेशीत केले होते. त्या अनुषंगाने हरविलेल्या मोबाईलचा तांत्रीक पध्दतीने शोध घेत १५ मोबाईल शोधून काढण्यात पोलिसांना यश आले. दरम्यान वरिष्ठांच्या आदेशानुसार सदर मोबाईल मुळ मालकांना परत करण्यात आले आहेत. या अनुषंगाने पोलीस ठाणे रावणवाडी येथील पोलीस पथक यांनी हरविलेल्या मोबाईलचे केंद्र शासनाच्या सेंट्रल इक्विपमेंट आइडेंटिटी रजिस्टर (CEIR) या अप्लीकेशन वर हरविलेले मोबाईल चे अर्ज अपलोड करुन पथकाने रावणवाडी पोलीस ठाणे हद्दीतुन वेगवेगळ्या कंपनीचे हरविलेले एकुण 15 महागडे मोबाईल शास्त्रोक्त तांत्रीकशुद्ध पध्दत व बुध्दीकौशल्याचा वापर करुन अतिशय शिताफीने शोधुन काढले. सदरचे मोबाईल आज 16 ऑगस्ट रोजी श्री. वैभव पवार, पोलीस निरीक्षक पोलीस ठाणे रावणवाडी यांच्या हस्ते मुळ मालकांना परत करण्यात आले आहेत. सदरची उल्लेखनीय कामगीरी पोलीस अधीक्षक, गोंदिया मा. श्री. गोरख भामरे, अपर पोलीस अधीक्षक गोंदिया, श्री.अभय डोंगरे, उपविभागीय पोलीस अधिकारी गोंदिया रोहिणी बानकर, श्री पुरुषोत्तम अहेरकर, पोलीस निरीक्षक सायबर सेल, गोंदिया यांचे मार्गदर्शनाखाली पोलीस स्टेशन रावणवाडी चे पो.नि.श्री. वैभव पवार, पो.शि. रजनिकांत बोपचे, तसेच तांत्रीक सेल रोशन येरणे, योगेश रहिले यांनी सदरची कामगिरी केली आहे..