जिल्हा माहिती कार्यालयात संविधान दिन साजरा

 गोंदिया  : संविधानाच्या उद्देशिकेचे वाचन करुन जिल्हा माहिती कार्यालयाने साजरा केला संविधान दिवस. 26 नोव्हेंबर 1949 रोजी भारताचे संविधान ‘अंगीकृत आणि अधिनियमित करुन स्वत: प्रत अर्पण करीत आहोत’ अशी शपथ घेतली होती. केंद्र आणि राज्य शासन दरवर्षी 26 नोव्हेंबर हा दिवस ‘संविधान दिवस’ म्हणून साजरा करते. या निमित्ताने जिल्हा माहिती कार्यालय येथे ‘आम्ही, भारताचे लोक, भारताचे एक सार्वभौम, समाजवादी, धर्मनिरपेक्ष, लोकशाही, गणराज्य घडवण्याचा व त्याच्या सर्व नागरिकांस : सामाजिक, आर्थिक व राजनैतिक न्याय ; विचार, अभिव्यक्ती, विश्वास, श्रध्दा व उपासना यांचे स्वातंत्र्य ; दर्जाची व संधीची समानता ; निश्चितपणे प्राप्त करुन देण्याचा आणि त्या सर्वांमध्ये व्यक्तीची प्रतिष्ठा व राष्ट्राची एकता आणि एकात्मता यांचे आश्वासन देणारी बंधुता प्रवर्धित करण्याचा संकल्पपूर्वक निर्धार करुन ; आमच्या संविधान सभेत दिनांक 26 नोव्हेंबर 1949 रोजी याद्वारे हे संविधान अंगीकृत आणि अधिनियमित करुन स्वत:प्रत अर्पण करीत आहेत… या उद्देशिकेचे वाचन जिल्हा माहिती अधिकारी अंजु कांबळे-निमसरकर यांच्यासह कार्यालयातील कर्मचाऱ्यांनी केले. यावेळी उपसंपादक कैलाश गजभिये तसेच धम्मदीप बोरकर, तुषार उरकांदे व संतोष राऊत उपस्थित होते.